Alumahang Langit

#species/thought #status/seedling

Ginamit ni Henry David Thoreau ng ilang beses ang pariralang “mackerel sky” upang ilarawan ang ganitong itsura ng kalangitan.

![Mackerel sky](/img/user/07 obsidian/images/mackerel-sky.png)

Ang pariralang ito ay tumutukoy sa isang meteorological phenomenon kung saan ang mga ulap ay nagmumukhang balat at kaliskis na kadalasang makikita sa mga isdang mackerel.

Sa Japan, mayroon silang mga salitang katumbas nito:

iwashigumo - sardine clouds
urokogumo - fish-scale clouds
sabagumo - mackerel clouds

Ang salitang “mackerel” ay ginagamit sa ilang uri ng isda sa Pilipinas na hindi naman talaga mga mackerel. Pinakamainam na malaman ang direktang katumbas ng pariralang ito sa Filipino. Subalit kung wala, baka kailangan nating gumawa ng sarili nating tawag. Dito mahalagang malaman ang eksaktong tawag sa Filipino ng isdang tinutukoy ni Thoreau na mackerel.

Sa Pilipinas, may mahigit sa sampung uri ng mga isdang tinatawag na mackerel sa Pilipinas.

Gusto kong gamitin ang salitang alumahan dahil:

Matulain ang tunog nito.
Ang alumahan o Indian mackerel (Rastrelliger kanagurta) ay isa sa siyam na uri ng tunay na mackerel.
Ang itsura ng kaliskis at balat nito ay katulad ng itsura ng mga ulap na inilalarawan ni Thoreau.

Alumahan - long-jawed mackerel o Indian mackerel (Rastrelliger kanagurta)

![Rastrelliger kanagurta](/img/user/07 obsidian/images/Rastrelliger-kanagurta.png)

Alumahang bato - chub mackerel (Scomber japonicus)

![Scomber japonicus](/img/user/07 obsidian/images/Scomber-japonicus.png)

Galunggong - mackerel scad (Decapterus macarellus);

![Decapterus marcarellus](/img/user/07 obsidian/images/decapterus-macarellus.png)

Indian scad o Russell’s scad (Decapterus russelli)