Lasón

Andukëy iraman a impanlalason ko'd sikayo,
singa karukëy na tawë'd tagëy
a babaroyëy ulok a akatangwa,
mamibilang na bitëwë'd
panatalaran ko'd
kipëlag na salita'd
sangi yo.

Nanonotan yo ni kasi makpël kon
impëpëkët ëd taklay yo?
Napëpëlag ak la'd pananisiak
ëd saraman a panaon.

Balët misasabay ak ëd andar yo,
ontutumbok ëd kada ililiko yo,
mimila’d pamabalanse laman yo'd motor
agla pigan ëd ontumbok a sitio
na saman a andukurukëy a dalan

ëd pëglëy na bilungët
naromog ko so
anggan katiting a

apoy

a mamapëtang lamët ëd pananisiak.

Perdona yo ak, Papa…

aka-ikban ak.

Patalos: Pillion