Inuman Ëd Di Mang Ador

Marakëp no kapanëkas na impaagëw a ilik
odino kayari bunal
balët sankarakpan no kasumsumpal na gapas
nagkalaotla no ag adëlap so pagëy.

Amay naknaksawan tin amin,
apuyopuyot iray baog,
tan mansasnit so lingët.

Singa mansasnit a priton sikling
ya inërël ëd alog odino itik
no wala bilang so nampastol
a napangaliwan o napikërëwan.

Balët no anggapo mët,
mangibaki tila'y ugaw
a mangaliw na sisig o dinakdakan
ëd Diego.

Sëlsëlan tayo'y radyo
ikasil tayo
lukasa'y dos por dos
tan punasan la 'ray baso

tan igapo tila'd satan
so sanlabin pamaabig
ëd suga-sugat na puso
ëd apirpirdin ilalo.

Impatalos ëd Filipino: Inuman Kina Mang Ador