Lawari

Alay santing mon bulan
lëtaw lëtaw ka'd tapëw
na sarayan bulobulong a binalkot
na andëkërëkët a bilungët

lëlëg a managagos
so agko nanëngnëng a danum
ëd dalëm na sayan
manbokbokor a taytay.

Agmo ak pa tataynan
(panangasim)
ëd sayan panaakarakar ko'd
labin alipos na paga.

Ta say otot
ët mamëpërëng ëd siak,
mamapaolya'd salisalik
a napëlag ëd sayan kolos.

Ëlëtan moy gëmës mo'd limak,
iturom so dalan,
tan angga'd isabik ëd abung
agmo ak tataynan.

Ta santing mo lambëngat la'y
mogmon bilay ko tan pikakasik
a napalabas ko 'yan labin inulësay
managaag mon liwawa.