Say Bulan ëd Lleyn nën R.S. Thomas

Say Bulan ëd Lleyn
nën R.S. Thomas

Say sampot a sankapat na bulan
nën Jesus mamapalugar
ëd bilungët; say ulëg
tutunawën to la'y iknol. Wadian
akatalimukor ëd sayan baton
simbaan, a apano lambëngat
na marëën a kongregasyon
na saray anino tan say tanol
na dayat, mainomay kon panisiaan
a duga si Yeats. Singa
ag angansion iray koro, inakmon
ira na saray kabibi; mantaladsik
so dayat ëd Biblia; say kampanilya
ag makaayat na totoo ëd masalangsang
a milagro'y tinapay. Manaalagar so buër
ëd ipawil na saray ilik
na dingding ëd duyaw
a salming. Anampot la'y relihiyon, tan
say onimwas manlapud laman
na balon bulan, anggapo
so makapangibaga.

Balët wala'y boses
ëd layag ko: Aki't manaapura ka,
mortal? Sarayan daydayat
ët abautismoan. Say parokya
angarana'y santon say panaon agto
naëkalay sotana. Ëd saray syudad
a linmabas la'd saray sipan da
magmamaliw lamët a perigrino
'ray totoo, no aliwan ëd sayan pasën,
dima'd pamasimbalo to 'ya
ëd espiritu ra. Mansiansia ka nin
akatalimukor. Singa sayan bulan a
mamabaroy ëd matantan
a anino'y mundo, say pikakasi mët
wala'y nanduruman panaon to.