Saraman a Takayan ëd Bakakeng

Papa, talomplo tan duaran labi ak lan nantelek-telek ed ugip ko. Katon kaimbuasan to man, nandesidi ak a manakar. Antis iya na almusal. Akilad siak so sangkaugawan. Lukso-lukson pinaliberan to ak leleg min manaakar ed ambasan dalan ed silong na ambasa iran pino bunga-bungan mangituturod laey sali-sali mi singa mansiyayap a bato-bato ed aralem a katakelan na kamarerwa. Tan lapud anggapoy makanengneng ed anino noagta siak labat, nakunkunwarin limpyo ak, inegnaan koy lima to, tan sinmayaw kami, saray sali-sali mi amitpit ed saray amagan bulo-bulong tan saray tanol da et angawit ed sikamid saraman a takayan. Tan inmalagey ak diman. Ginapoan koy onsigep. Kada kupbang ko et angawit ed siak ed anggapo. Say pusok abalkot na deen. Linmingaw ak balet abalang la may ugaw. Aya la. Aya la iman. Ayan takayan. Ayan sampot a akar a mogmon mangibibiig ed siak ed walad biek. Kinmupbang ak insan kinmupbang lamet, maninisian naalmok so sarilik ed toktok. Balet kasabik diman dinungaw koy amin a inakar ko tan amin a ginawgawak tan say nalmok ed say sangkatatakutan ko a anggapo ed saraya so makapangiliktar ed siak. Katon inmurong ak lapud atan labat so nagawaan ko natan. Inmurong ak tan pinaulyanan kon kanen ak na takayan. Tan kinaot koy teleponok ed bulsak. Kabuasan iman antis na almusal nen tinaynan ta ka. Arengel kon tinmanol tan arengel koy boses mo tan ed saman a bekta tinmalon iray salita manlapud sangik. Tinmalon ira, talon! talon! talon! talon! Pa, agko la kaya tan nadngel moy sangkareenan a nangis a arengel mod interon bilay mo.

form similar to Coronel's Cranes