Ulëg a Tëlëk

Say kuwanda
say anlong ët narëngël
tan makasulat ka labat
no makadngël ka.

Sakëy a kabuwasan
abangonan kon
walay mankukurong-kurong
a andëkët a linya'd datal.

Anëngnëng mët nën inak
tan amak.
"Atan may ulëg a tëlëk,"
kuwan da.

Mëlmëlag ka,
singa ka bulatin
maimimpis,
natatakot,
nababalang.

Angala ak na mëlag a papel
tan pinakurong ta ka'd satan.
"Patëy mo la ta
ompan ombalbalëg!"
ganggan nën amak.
Agak inmësël.

Kinurong mo so papel
tan inawit taka'd paway
piyan ibulos ëd pitëk.

Kuyapos ka'd dalin
Balët nilingaw mo ak
Singa ka no nampasalamat
Insan ka la abalang.

Aliwa kan bulag
tan lalon aliwan ag makalalikna.
No bilang ta pinatëy taka
Siopa ëd sikata so tëlëk a talaga?

Inmalagëy ak
manlapud impakatalimukor
tan ëd satan
binalkot ak na aralëm a dëën.

Impatalos ed Filipino: Ahas na Bingi