Pinaulyan To So Tabernakulo Ëd Silo
Natan
ëd pëglëy na nantatapilan a yeron
pinalati'y ag nipaabët iran luwa
tan tablan tinabunëy na panduwaruwa
wadia ak
akabukay ëd libro na saray salmo
sisibuksibukay mansibëk a dagëm na kaumaan
akatangwa'd tawën no inër
pinalsa ta iray diriyos
lëlëg kon kakawananën
iray pahinan pinipilat
na imbëtël na pananisiam
na inkuyëp
na mandarlang mon panangaron
abalaan mo mët ët maando.
Kayari dan gëbaën
so tabernakulo'y inkiugaw mo
lakapën ko'y apoy na pamatanir
tan ontikiyab kaiba'y amin a onasëwëk.
Siak so sampot mon bagat
ëd maimon a Diyos.