Gawat

Agmi la inëkas may mais a impaagëw mi'd kalsada ta
kiën
tayakëtëk la tan nitan la'y mabalasubos a uran ta
kiën
wala kuno amo'y super typhoon tan
kiën
diya ondalan so mata to naani no labi.

Anggapo mët so anggan kariton min panginan ta
kiën
adëral la may kuliglig a babayësën mi'd Marlon tan
kiën
anggapo'y ibayar mi'd no siopa tay walay luganan to ta
kiën
gawat.

Mankulibënbën ka la siri'y tuwalya ta
kiën
ibaan mo ak a ompawil dima'd kalsada ta
kiën
kalkalnaan tan kopkopën no anto'y nakopkop ta ta
kiën
isako tan amin.

This poem was published at TLDTD