Aminsan Akikaaro Ak ëd Punti

Nen unaan takan anengneng,
ambalbalanga kan tuloy
baleg
puson talaga
mautok

Karuman, nila ta ka lamet.
Anengneng ko. Ginmapon naukisa'y
ambalangan uski mo.
Napapatak ed dalin a binasay uran.

Nansibeg kami'y asawak.
Ed pasnok ko, pinmaway ak na abung
tan nanakar. Nila taka.
Aliwa labat lan ukis mo'y napapatak
noagta pati rosas mon duyaw.
? Say ag binmaleg, dinmuyaw.
Nagmaliw a punti.

Mayo la. Abayag takan ag nakar.
Balet singa akainawa ak
neng anengneng kon maabig ni
kipapasen mo.
Wala lay pigaran berden bungan
nantutugyop.
Pamelag lan pamelag so pusom.

Nakar mo la agi?