Aro Kayari Aro

Onsabi panaon
alay likët mon
ibano'y dilim a manasinggër
ëd pwertam, ëd arapa'y salming mo
tan manimisan kayo'd panabrasa'y balang sakëy,

tan ibaga yo, yurong ka'd diya. Mangan ka.
Aroën mo lamët so dayon sika lan lamang.
Itdan mo'y alak. Itdan mo'y tinapay. Ipawil mo'y pusom
ëd dilim, ëd sayan dayon angaro’d sika

ëd intiron bilay mo, ya intalikdar mo
para’d sananëy, a kabkabat to ka.
Alam ira’y sulsulat na panangaro'd eskaparate,

saray litrato, saray mapilit a panpanonot,
pilat mo'y talintaom ëd salming.
Yurong ka. Milikët ka'd ponsiya'y bilay mo.

Anlong nen Derek Walcott, patalos ko