Bangkag

Sanën
apano ni panangaro 'man a pasën
mabunay malunggay, talon, okra.
Masalompapak so kiew na chico,
lumboy, kakaw.
Maparanay so pamurbor na palya.
Maparanay so pangalawit na mangga.
Walan lanang so niparungon
kapampatëy a lalong o nganak.
Walan lanang so nitungon bëlas.
Ag nasaëw so pakadëmët na iknol.

Natan
mangakmo'y too la'y
karikaa'd man
tan anggapo la'y anggan narëngël
a binlit
o koryat.