Basta Akaalagëy

Agak balot napëlag ëd sayan patit.
Agak balot natumba ëd sayan patër.

Say panlilinawak ët manpatuloy.
Ëd sayan agëw anggapo'y ompatëy.

Wala ni 'ray mas balëg a subok.
Wala ni 'ray mas masibëg a kalaban.

Agak nataloy takot tan pankëbyëw.
Itampal ko'd patëy, "Aliwan sayan agëw!"

Mibabalsakan ak ëd bilay.
Aliwan mainomay.

Balët basta akaalagëy,
Kapalaran lay akaulëy.

Nabuas ampano alëën da'k la.
Sayan agëw ët sampot la.

Samit, likët, biskëg, inawa.
Onalagëy ak, agak natumba.