- Bawat tao ay may kakayahang lumikha, magpahayag ng saloobin, at umunlad gamit ang pagsusulat.
- Ang pagsusulat ay pagmamay-ari ng lahat ng tao anuman ang kanilang kasarian, lahi, pangkat etniko, katayuan sa lipunan, edad, natapos sa pagaaral, relihiyon, kapansanan, at iba pang grupong kinabibilangan.
- Ang pagsusulat bilang isang indibiduwal at kolektibong gawain ay isang kasangkapan tungo sa pagbuo ng isang nagtutulungang pamayanan.
- Ang pagsusulat ay isang mabisang paraan upang bumalik sa sarili, sa kapwa, sa pamayanan, at sa santinakpan.
- Ang pagsusulat magkakasama at pakikinig sa mga naisulat ng iba ay nagpapalakas ng tinig ng bawat manunulat.
- Walang iisang poetika ang may monopolyo sa pagsusulat. Ang pananatiling bukas sa lahat ng poetika at paraan ng pagsusulat ay nagpapalaya sa manunulat at nagbabalik sa kaniya sa kaniyang kapwa.