Panagdëdërëmën

Nen imbeneg a labi leleg kon akayurong ed bilunget, akapikit iray matak tan mambibilang na anges kod maandon deen, anonotan ko ray labin ombibisita tayod di Nanay tan Tatay, onugip dimad sankabalegan a kwartod tagey, siak, si ate, tan bunso ed datal tan sikayo nen Mama ed kama. Nabangon ak ed palbangon ta narengel koy mantutumbokan a ipelag na saray bayo ed kakaabay. Mibansag ira ed betel a mamalkot ed siak tan mangitabin ed siak ed pakayepyep lamet.

Singa karuman labat iraman a labi. No nababangon ak natan ed palbangon aliwan lapud bayo noagta lapud ag ak makaugip. Anggapoy bayo, anggapoy ?, anggapoy atsi tan bunso. Anggapo kayo nen Mama.

Papa, nila da raman a labi?

Papa natatandaan mo ni kasi no kapigan tayo sampot ya nanaabay ed saksakey ya kuwarto?

Nen ugugaw kami ni sano manbakasyon tayod si Nanay tan Tatay, diman da tayo paugipen ed sankabalegan a kuwartod tagey. Sikayon duwa nen Mama ed katre tan sikamin talo di Ate tan Nes ed datal. No palbangon nabangon ak ed tanol na panbabayoy totoo na ansaket.

Kabangon tayo saniiba tayon manalmusal.

Manpikasi nin unonay Tatay. Andukerukey. Narasan ak la.

Ampetang a tsokolaten impagiling dan nanlapud kakaw.

Nakar da raman a panaon Papa?

Alingwanan ko la.

Anggad natan a mareen ak a manaalagar ed bilunget.""""