TTCP 10

Natawag mo kasi itay nonot mo manlapud panteteyengteyeng to
tan napapawil mo kasi diya ed nanlapuan to?
Napagmaliw mo kasin alemek so laman mo
ya singa kapanyanak ya ugaw?
Nalinisan mo kasi'y mata na pusom
anggad liwawa labat lay nanengneng mo?
Naarom kasi iray totoo tan nigiyam kasi ira ya anggapoy panagpasuot?
Napaulyanan mo tay kimey mo ya sumpalen toy sarili to?
Makabulos ka kasi ed nonot mo piyan mas natalusan moy amin ya bengabengatla?

Mangiyaanak ka tan mamapabaleg,
anggapom balet walaan mo,
mankikimey ka ya anggapoy kekerewen mon kasalat,
mangigigiya ka balet agka mamapasuot:
saya so baleg ya kamaongan.