TTCP 16

Ekal mon amiy kargay nonot mo.
Itdan moy kareenan so pusom.
Bantayan moy kapagaan na saray pinalsa
balet mutektek moy ipapawil da.

Kada sakey ya pinalsa ed uniberso
et ompapawil ed saksakey ya nanlapuan.
Say ipapawil ed nanlapuan et kaligenan.

Nu agmo amtay nanlapuan mo,
nalener ka ed gonigon tan ermen.
Nu nanunutan moy nanlapuan mo,
magmaliw kan maabuloy,
naandi pilalek mo, maliket ka,
mauyamo ya singa akulaw,
igagalang ya singa ari.
Nu manames ka ed kakabatan na Tao,
naarap mo so antukaman ya iyawat na bilay ed sika,
tan nu onsabi patey, akaparaan ka la.