TTCP 30

Say manmamatalek ed Tao agto papasuotey uuleyan to
o mangusar na armas ed pangidapoy kadederal ed saray kalaban to.
Say manderal et deralen met.
Say mangusar na karawalan, anggano maabig ni gagala to,
karawalan met so ompawil ed sikato.

Mankimey so Makabat,
insan ontunda.
Natatalosan ton
agton balot napanuleyan so mundo.
Mabiskeg so agos na Tao,
agto itan nasumlang.
Lapud manmamatalek tan maliket la ed sarili to,
agto kaukolan so panangabobon na arum.
Lapud inawat toy sarili to,
inawat met na interon mundo.