Tuwalyang Hindi Pa Nalalabhan

Paalam inay
Aalis na po ako
Maingay kasi rito
Magulo

Magpapakalayo-layo na muna po ako
May trabaho naman sa Maynila
Baka sakaling may pagasa
Di ako sanay mawalay sa iyo
Pero aalis na muna po ako

Inay
Bukas maaga akong gigising
Pero wala nang masarap na ulam sa hapag
Wala pang sinaing
Magpapainit ng panligong
Ako rin ang magbubuhos

Pagtiya-tiyagaan ang kapeng
Ako rin ang nagtimpla
Ipagpupunas ang tuwalyang
Hindi pa nalalabhan

Pagka’t wala ka na inay
Malayo na ako sa’yo
Maingay kasi riyan
Magulo
Magpapakalayo-layo na muna po ako

Naisulat noong 2018-01-02.