IPB road

Kada labi antis a man alas siyete mandaragup iray ugugaw, ankëkëlag tan angkakabalëg, ëd gilig na riles, akatsinelas man o andi, man-ëëlëkan, mankakantsawan. Lëlëg a manluluto'y pandëman iray kainaan tan mangiyuunat na sali-sali 'ray kaamaan, manlalakapan iran akaimis, akabantag ëd sagur. Tumtumbokë'y mata ra so marmarlang a sidsilëw na manungol a tren angga'd isabi to'd pëtëk da ya mamagiwgiwgiw ëd sikara'd likët—ëd agnapokpokan a likët.

Impatalos ed Filipino: IPB road (sa Filipino)