TTCP 13

Makapataktakot so natumba balet ontan met so itatalona.
Anggapoy kabaliksan na takot balet ontan met so ilalo.

Akin et makapataktakot so itatalona ya singa itutumba?
Onkalab ka man ed takayan o onletsab ed satan,
aliwan matibay so kulaan mo.
Balet nu akaalagey so duwaran salim ed dalin,
mapekder ka lawas.

Akin et anggapoy kabaliksan na ilalo ya singa takot?
Inyani so ilalo tan takot
ya manlalapo ed panononot ed sarilim.
Nu agtayo ipasen ya sarili so sarili,
antoy takotan tayo?

Ipasen moy mundo ya singa sarilim.
Manmatalek ka ed katuwaan.
Arom so mundo ya singa sarilim;
ed satan ka labat ontalona.