TTCP 22

Nu labay mon nabuo ka,
magmaliw ka nin kulang.
Nu labay mon onsekder ka,
magmaliw ka nin pikewet.
Nu labay mon napano ka,
ekal mo nin amiy kargam.
Nu labay mon niyanak ka lamet,
ompatey ka ni.
Nu labay mon niiter ed sikay amin,
ipbanan mo nin amiy awit mo.

Say Makabat, lapud manaayam ed Tao,
mangitataryay ehemplo ed amiy pinalsa.
Lapud agompaparungtal,
nanengneng day liwawa to.
Lapud anggapoy papaneknekan to,
napanpiyaay salita to.
Lapud agto kabat so sarili to,
nabibirbir na arum so sarili da'd sikato.
Lapud anggapoy pilalek to,
amin ya gaween to et ontalona.

Imbalikas na saray Makabat nen saman ya panaon,
"Nu labay mon niiter ed sikay amin,
ipbanan mo nin amiy awit mo,”
anggapoy kakanaay ibabaga ra.
Diad Tao mo labat naromog
nu siopa kan talaga.