TTCP 23

Ibagam lan amin,
insan ikupit moy sangim.
Magmaliw kan singa say dagem:
wadtan labat nu maragem.
Magmaliw kan singa uran:
wadtan labat nu unuuran.
Magmaliw kan singa banwa:
kadalay lure-lurem, onsinag ya mao-maong.

Nu lukas ka ed Tao,
saksakey ka ed satan.
Nanengneng na amin itan.
Nu lukas ka ed pakatebek,
saksakey ka ed satan.
Nausar mo itan lawas.
Nu lukas ka ed pakaandian,
saksakey ka ed satan.
Mainomay mon awaten itan.

Ilukas moy sarilim ed Tao,
insan manmatalek ka ed naliknam;
tan amin et mansumpal ed kaabigan.