TTCP 26

Lamot na liwawa so ambelat.
Lapuan na amiy galaw so ag onggagalaw.

Sanagew ya manbibiyahe so Makabat
anggano ag onaalis ed abung.
Anggano alay dakep na saray nenengnengen ed paway
mansiyasiyansiya'd loob.

Manbukbukor.
Marendeen kaibay nonot to.
Akin et manyataw-yataw so pangulo
ya singa ambagel?
Nu milmila ka labat ed dagem naputer so lamot mo.
Nu milmila ka labat ed daluyon napakset so angklam.
Nu agka makareen,
nalingwanan moy sarilim.