TTCP 27

Anggapoy maletneg a plano na maong a biyahero
tan agto nononotey pakasabi tod laen to.
Unor-unor so maong ya komikimey
ed no antoy liknaen ton gabay ton gaween.
Intalikdar na siyentipiko so kankanonotan
tan impansiyansiya ton akalukas so nonot to ed no antoy talagan wadtan.

Naasingeray amin so Makabat.
Anggapoy ipupulisay to.
Uusaren ton amin so pankanawnawa
tan anggapoy pipirdien to.
Insulong toy liwawa.

Anto ta so maong ya too no agta managbangat ed mauges ya too?
Anto ta so mauges ya too no agta pakimeyay maong ya too?
Anggano marundunong ka,
nabalang ka no agmo natalusan 'ya.
Saya so baleg ya kakabatan ya niyamo-amot ed amin.