TTCP 28

Kabaten moy laki,
balet mansiyansiya kad bii:
lakap moy mundo.
Nu lakapen moy mundo,
agka itilak na Tao
tan magmaliw kan singa ugaw.

Kabaten moy amputi,
balet mansiyansiya kad andeket:
magmaliw kan pangaligay interon mundo.
Nu magmaliw kan pangaligay mundo,
pabiskegen ka na Tao
tan aggapoy agmo nagawaan.

Kabaten moy sarilim,
balet mansiyansiya ka ed bengabengatlan walad paway mo:
awat mo nu anto so wadtan.
Nu awaten mo nu anto so wadtan,
pasinagen kay Tao
tan ompawil ka ed no siopa ka nen gapo.

Say mundo et nanlapud anggapo,
singa usa-usar ya nanlapud tabla.
Kabisado na Makabat so usa-usar to,
balet mansiyasiyansiyad tabla:
katon nausar ton amiy bengabengatla.