TTCP 29

Gabay mon parakepey mundo?
Ag itan nagawa.

Sagrado so mundo.
Ag itan naparakep.
Nu pibabalian mo, deralen mo.
Nu angkinen mo, nabalang mo.

Manunaan ka nu arum,
nu arum wala kad beneg.
Ombabatik ka nu arum,
nu arum manpapainawa ka.
Mabisbiskeg ka nu arum,
nu arum naknaksawan ka.
Wala kad kareenan nu arum,
nu arum napepeligro ka.

Agpanuleyay Makabat so antokaman
Nanenengneng to anto talaga ray benga-bengatla.
Paulyanan to ran gaween day gabay da.
Agmibabali.
Wala labat ed pegley, banbantayan to ra.